Essity starfar í 150 löndum og vörumerki fyrirtækisins sinna hreinlæti og heilsu um eins milljarðs manna á hverjum degi. Fyrirtækið er með um 36.000 starfsmenn og 70 framleiðslustöðvar víða um heim.
Samstarf Rekstrarvara og Essity spannar ólík svið, en þar vega Tork og TENA langþyngst. Samstarfið snýst þó ekki eingöngu um vörurnar sjálfar heldur einnig um lausnir, ráðgjöf og fræðslu sem nýtist fyrirtækjum, stofnunum, fagfólki og einstaklingum.
Tork - hreinlætislausnir fyrir ólíka vinnustaði
Tork er vörumerki Essity fyrir faglegar hreinlætislausnir og hefur lengi verið stór hluti af hreinlætisúrvali Rekstrarvara.
Tork lausnir má finna á fjölbreyttum vinnustöðum um allt land - á skrifstofum, veitingastöðum og hótelum, í skólum, iðnaði og innan heilbrigðisþjónustunnar.
Rekstrarvörur þjónusta meðal annars stórar heilbrigðisstofnanir þar sem Tork skammtarakerfi fyrir handsápu og handspritt eru hluti af daglegu hreinlæti og sýkingavörnum. Úrvalið nær einnig yfir salernispappír og handþurrkur, servíettur og servíettuskammtara, iðnaðarklúta og fleiri lausnir fyrir fagmarkaðinn.
En Tork snýst ekki aðeins um að velja einstaka vöru. Mismunandi vinnustaðir kalla á mismunandi lausnir og ráðgjafar Rekstrarvara aðstoða við að velja kerfi út frá aðstæðum, umferð, notkun og þörfum hvers vinnustaðar.
Í verslun og sýningarsal Rekstrarvara er jafnframt hægt að skoða fjölbreytt úrval Tork skammtara og bera saman mismunandi kerfi áður en ákvörðun er tekin.
Smelltu hér til að skoða Tork lausnir
TENA - frá faglegri umönnun yfir í daglegt líf
TENA er annað lykilvörumerki Essity hjá Rekstrarvörum og stór hluti af úrvali heilbrigðissviðsins.
Vörurnar mæta fjölbreyttum þörfum tengdum þvagleka og umönnun og eru notaðar bæði af fagfólki og einstaklingum, meðal annars á heilbrigðisstofnunum, hjúkrunarheimilum og í heimahúsum.
Fjöldi TENA vara hjá Rekstrarvörum er jafnframt meðal þeirra vara sem einstaklingar með viðeigandi úttektarheimild frá Sjúkratryggingum Íslands geta fengið niðurgreiddar.
Þegar kemur að þvagleka er þó ekki ein lausn sem hentar öllum. Stærð, rakadrægni, líkamsbygging, hreyfigeta og aðstæður geta meðal annars haft áhrif á hvaða vara hentar hverju sinni. Heilbrigðissvið Rekstrarvara veitir því ráðgjöf og aðstoðar einstaklinga, aðstandendur og fagfólk við að finna vörur sem mæta þörfum hvers og eins.
Hjá okkur starfa meðal annars hjúkrunarfræðingar og sjúkraliðar og hægt er að fá ráðgjöf í verslun, óska eftir sýnishornum og nýta fjölbreytt fræðsluefni frá TENA og Rekstrarvörum.
Á RV.is má einnig nálgast fræðsluefni um þvagleka og vöruval. Þar má meðal annars finna TENA fræðslubæklinga með upplýsingum um þvagleka, mismunandi vörutegundir og atriði sem gott er að hafa í huga við val á vörum.
Smelltu hér til að skoða TENA þvaglekalausnir
Smelltu hér til að skoða TENA fræðslubækling
Fræðsla sem nýtist í daglegu starfi
Þekking og fræðsla eru mikilvægur hluti af samstarfinu við Essity.
Fyrir fyrirtæki og stofnanir getur það falist í ráðgjöf um Tork skammtarakerfi, uppsetningu og lausnir sem henta aðstæðum á hverjum vinnustað. Innan heilbrigðissviðsins nær þjónustan meðal annars til ráðgjafar um TENA vörur, sýnishorna og fræðsluefnis fyrir starfsfólk, heilbrigðisstofnanir, hjúkrunarheimili, apótek og aðra endursöluaðila.
Rekstrarvörur geta einnig útvegað fræðsluefni sem nýtist starfsfólki í daglegri umönnun, svo sem fræðsluskilti og efni sem auðveldar starfsfólki að halda utan um hvaða þvaglekavörur og stærðir hver skjólstæðingur notar.
Markmiðið er ekki aðeins að hafa vörurnar til staðar heldur að miðla þeirri þekkingu sem hjálpar viðskiptavinum okkar að velja og nota þær á sem bestan hátt.
Samstarfið nær víðar
Þótt Tork og TENA séu umfangsmestu vörumerki Essity hjá Rekstrarvörum nær samstarfið einnig til fleiri vöruflokka.
Í úrvali okkar eru meðal annars Libero barnableyjur, en margar þeirra eru í samningi Rekstrarvara við Sjúkratryggingar Íslands. Þá eru einnig tíðavörur frá Libresse í úrvali RV.
Þetta eru ólíkir vöruflokkar en sýna vel breiddina í starfsemi Essity - frá hreinlæti á vinnustöðum yfir í umönnun og persónulegar þarfir.
Alþjóðleg þekking - staðbundin þjónusta
Essity er stórt alþjóðlegt fyrirtæki, en fyrir okkur hjá Rekstrarvörum snýst samstarfið fyrst og fremst um hvernig við getum nýtt vörurnar, lausnirnar og þekkinguna í þjónustu við okkar viðskiptavini hér á landi.
Það getur verið fyrirtæki sem þarf að velja Tork skammtarakerfi fyrir nýja salernisaðstöðu, heilbrigðisstofnun sem vill fræðslu og betri yfirsýn yfir TENA vörur eða einstaklingur sem þarf aðstoð við að finna þvaglekavöru sem hentar.
Þar kemur saman alþjóðlegt vöruúrval og þekking Essity og sú ráðgjöf og persónulega þjónusta sem við leggjum áherslu á hjá Rekstrarvörum.
