Tork hlýtur verðlaun á Interclean Amsterdam 2026

Verðlaunin voru veitt í flokknum Sustainability & Environment og heiðra verkefni sem stuðla að jákvæðum breytingum á sviði hreinlætis og rekstrar. Dómnefndin lagði sérstaka áherslu á hvernig Tork hefur þróað lausnir sem gera salernisaðstöðu aðgengilegri, auðveldari í notkun og þægilegri fyrir fjölbreyttan hóp notenda.

Verkefnið Inclusive Hygiene in Public Washrooms Initiative byggir á þeirri hugmynd að góð salernisaðstaða snúist um meira en hreinlæti eitt og sér. Þar er horft til heildarupplifunar notenda, þar sem aðgengi, notendavæn hönnun og skilvirkt viðhald fara saman. Meðal þess sem dómnefndin nefndi voru skammtarar sem eru hannaðir með aðgengi í huga, notendavænar umbúðir og lausnir sem einfalda dagleg þrif og áfyllingu.

Rannsóknir Tork sýna jafnframt að væntingar fólks til hreinlætis og salernisaðstöðu hafa aukist á undanförnum árum. Upplifun gesta af hreinlæti getur haft áhrif á hvernig fyrirtæki, stofnanir og þjónusta eru metin í heild sinni.

Hjá Rekstrarvörum bjóðum við fjölbreytt úrval Tork lausna fyrir íslenska vinnustaði, allt frá skömmturum og pappírsvörum til heildarlausna fyrir salerni og hreinlætisaðstöðu. Við óskum Tork innilega til hamingju með þessa viðurkenningu og hlökkum til að halda áfram að bjóða íslenskum fyrirtækjum lausnir sem sameina gæði, nýsköpun og notendavæna hönnun.