Eftir viðburðaríkt afmælisár hélt starfsfólk Rekstrarvara til Lissabon í Portúgal þar sem 40 ára afmæli fyrirtækisins var fagnað með sameiginlegri afmælis- og árshátíðarferð.
Markmið ferðarinnar var ekki aðeins að fagna tímamótunum heldur einnig að þakka starfsfólki fyrir framlag þess til þeirrar vegferðar sem Rekstrarvörur hafa farið frá stofnun árið 1982.
Ferðalangarnir skörtuðu RV merktum derhúfum á ferðalagi sínu.
Mæðgurnar; Þórunn Helga, Sigríður Bára, Katrín Edda og Sigurlaug Þóra við góða skemmtun.
Snæbjörn Árnason, verslunarstjóri, var valinn samstarfsfélagi ársins.
Starfsfólkið er lykillinn að árangrinum
Á fjórum áratugum hafa Rekstrarvörur byggt upp öflugan vinnustað þar sem samvinna, fagmennska og þjónustulund eru í fyrirrúmi. Bak við þann árangur stendur reynslumikið og samhent starfsfólk sem leggur sig fram á hverjum degi við að þjónusta viðskiptavini um allt land.
Afmælisferðin var því jafnframt tilefni til að efla tengsl starfsfólks, skapa góðar minningar og fagna sameiginlegum árangri.
40 ár af samstarfi og samheldni
Á afmælisárinu var einnig litið yfir farinn veg með sérstökum myndböndum um sögu fyrirtækisins, opnu húsi fyrir viðskiptavini og fleiri viðburðum sem minntu á þá vegferð sem Rekstrarvörur hafa farið frá stofnun.
Ferðin til Lissabon var fallegur lokapunktur á þessum tímamótum og undirstrikaði þá vinnustaðamenningu sem hefur einkennt fyrirtækið í gegnum árin.
Katrín Edda Svansdóttir og Heiðrún Hlín Guðlaugsdóttir.
Kristján B. Heiðarsson og maki.
Emma Soffía Helgudóttir, Björn Kári Björnsson og Kristján Hermann Þorkelsson
Ragnar Mete og Eggert Óskar Ólafsson frá Hafdal [REC Media] fóru með.
Horft til næstu áratuga
Þótt 40 ára afmælið hafi verið tilefni til að rifja upp söguna var jafnframt horft til framtíðar. Með öflugu starfsfólki, traustum samstarfsaðilum og skýrri framtíðarsýn halda Rekstrarvörur áfram að þróa lausnir sem auðvelda rekstur íslenskra vinnustaða.
Við þökkum starfsfólki okkar fyrir ómetanlegt framlag og hlökkum til að halda áfram vegferðinni saman.
