Á myndinni eru Einar Kristjánsson, framkvæmdastjóri sölu- og markaðsmála, Sigurlaug Þóra Kristjánsdóttir, framkvæmdastjóri rekstrar- og fjármála, Sigríður Bára Hermannsdóttir, skrifstofustjóri og annar stofnenda og eigenda RV, Þórunn Helga Kristjánsdóttir, mannauðsstjóri, Katrín Edda Svansdóttir, vöru- og fjármálastjóri, og að sjálfsögðu Lea, drottning skrifstofunnar.
Rekstrarvörur eru rótgróið fjölskyldufyrirtæki þar sem áhersla hefur alla tíð verið lögð á traustan rekstur, þekkingu og góða þjónustu. Að hljóta viðurkenninguna 13 ár í röð er því ánægjulegur áfangi og endurspeglar þá langtímahugsun sem hefur einkennt uppbyggingu fyrirtækisins.
Árangur sem byggir á traustum grunni
Creditinfo veitir árlega viðurkenningu til fyrirtækja sem uppfylla ströng skilyrði um rekstur og fjárhagslega stöðu. Við matið er meðal annars horft til rekstrarafkomu, eiginfjárstöðu og lánshæfis.
Þótt viðurkenningin byggi á fjárhagslegum mælikvörðum er árangurinn fyrst og fremst afrakstur þeirrar vinnu sem lögð er í reksturinn á hverjum degi. Þar eiga starfsfólk, eigendur og stjórnendur öll sinn þátt, ásamt því trausti sem viðskiptavinir og samstarfsaðilar hafa sýnt fyrirtækinu í gegnum árin.
Við erum stolt af þessum 13 árum og þökkum öllum sem hafa átt þátt í árangrinum. Við hlökkum til að halda áfram að byggja á þessum góða grunni.
