Rekstrarvörur Fyrirmyndarfyrirtæki í rekstri 2017–2026

RV hefur hlotið viðurkenninguna Fyrirmyndarfyrirtæki í rekstri árið 2026. Þetta er tíunda árið í röð sem fyrirtækið fær þessa tilnefningu, en RV hefur samfleytt verið á listanum frá árinu 2017. Þessi árangur staðfestir ábyrgan og stöðugan rekstur fyrirtækisins til langs tíma.

Fyrirmyndarfyrirtæki í rekstri 2026 er viðurkenning sem Viðskiptablaðið og Keldan veita árlega þeim íslensku fyrirtækjum sem sýna fram á traustan, ábyrgan og fjárhagslega sterkan rekstur. Árið 2026 komast aðeins 5,4% fyrirtækja á Íslandi á þennan eftirsótta lista.

Til þess að hljóta tilnefninguna árið 2026 þurfa fyrirtæki að uppfylla ströng og skýr fjárhagsleg skilyrði þar sem rekstrarárin 2024 og 2025 liggja til grundvallar (ásamt samhengi við árið 2023).

Viðurkenningin er góður gæðastimpill um rekstur fyrirtækisins.

“Við erum stolt af því að vera áfram í þessum hópi og þökkum starfsfólki Rekstrarvara, viðskiptavinum og samstarfsaðilum fyrir þeirra þátt í árangrinum.”