Rekstrarvörur ehf. tilkynna að dótturfyrirtæki þeirra í Danmörku, RV Unique ApS, hafi verið útnefnt sölufyrirtæki ársins, Sales Organization of the Year 2026.
Rekstrarvörur27. apríl 2026
Verðlaunin hafa verið veitt árlega frá árinu 2006 og teljast meðal virtustu viðurkenninga í dönsku viðskiptalífi. Að þeim standa Business Danmark, stærstu samtök sölufólks og stjórnenda í Danmörku, og Dansk Industri, samtök danskra atvinnurekenda.
Dómnefndin var skipuð fulltrúum úr atvinnulífi og fræðasamfélagi: Jacob Kjeldsen, sviðsstjóri hjá Dansk Industri; Mogens Bjerre, dósent við Copenhagen Business School; Rikke Carlé, doktorsnemi við Aalborg University Business School; Jens Dalgaard, forstjóri ráðgjafafyrirtækisins TACK; og Jens Neustrup Simonsen, landsformaður hjá Business Danmark og lektor við University College of Northern Denmark (UCN).
Ráðgjöf og sérfræðiþekking í forgrunni
RV Unique starfar á B2B markaði í Danmörku og sérhæfir sig í rekstrar- og hreinlætislausnum fyrir fyrirtæki og stofnanir. Félagið þjónustar stór og krefjandi aðila, þar á meðal keðjur og stofnanir víðs vegar um landið, meðal annars í veitinga-, verslunar-, iðnaðar- og þjónustugeiranum.
Meðal viðskiptavina eru alþjóðleg vörumerki á borð við 7-Eleven, Burger King, KFC, Subway og Sunset Boulevard.
Í rökstuðningi dómnefndar kemur fram að RV Unique hafi byggt upp sölustarf sitt á þverfaglegri samvinnu þar sem sala er ekki bundin við eina deild heldur sameiginlegt verkefni alls fyrirtækisins. Starfsfólk vinnur út frá sérfræðiþekkingu fremur en landsvæðum, sem tryggir að viðskiptavinir fái aðgang að sérfræðingum eftir þörfum hverju sinni.
Hluti af sögu Rekstrarvara
RV Unique á rætur sínar að rekja til ársins 1987 þegar fyrirtækið var stofnað sem Unique Rengøringssystemer. Rekstrarvörur keyptu fyrirtækið árið 2006 og markaði það upphaf að starfsemi félagsins utan Íslands.
Frá þeim tíma hefur RV Unique þróast í öflugan samstarfsaðila á dönskum markaði. Á milli fyrirtækjanna hefur byggst upp náið samstarf þar sem þekking, reynsla og lausnir eru miðlaðar milli landa með það að markmiði að bæta þjónustu og styðja við rekstur viðskiptavina.
„Þessi viðurkenning er stór stund fyrir okkur sem móðurfélag og staðfestir að sú stefna sem við höfum markað um að byggja upp sterka þjónustu, djúpa sérfræðiþekkingu og langtímasamstarf við viðskiptavini er að skila raunverulegum árangri,“ segir Einar Kristjánsson, framkvæmdastjóri Rekstrarvara.
Við erum gríðarlega stolt af teyminu hjá RV Unique sem þjónustar suma af stærstu keðjum og fyrirtækjum Danmerkur og hefur á sama tíma byggt upp einstaka sölumenningu sem við viljum þróa áfram.
Einar Kristjánsson · Framkvæmdastjóri Rekstrarvara
Sérstaka athygli vakti hvernig RV Unique hefur brotið niður hefðbundna múra milli sölu, þjónustu og innkaupa, þar sem starfsfólk úr ólíkum hlutverkum vinnur saman að því að finna bestu lausnirnar hverju sinni.
Við hjá Rekstrarvörum óskum samstarfsfólki okkar hjá RV Unique innilega til hamingju með þessa glæsilegu viðurkenningu.
Stort tillykke til hele holdet hos RV Unique.
Frá vinstri til hægri:
Mogens Bjerre, dósent við Copenhagen Business School (dómnefnd), Rikke Carlé, doktorsnemi við Aalborg University Business School (dómnefnd), Kristján Einarsson, stofnandi og forstjóri RV og RV Unique, Jens Neustrup Simonsen, landsformaður Business Danmark og lektor við UCN (dómnefnd), Brian Dall, framkvæmdastjóri (COO) hjá RV Unique, Jens Dalgaard, forstjóri TACK (dómnefnd), Søren Münster, yfirráðgjafi og fulltrúi Dansk Industri (dómnefnd), Vivi Husballe, svæðisstjóri hjá RV Unique, Henrik Ravn, sölustjóri hjá RV Unique, Nadia Lykke Leth, markaðsstjóri hjá RV Unique, og Bjørn Rosen Bendixen, þróunarstjóri hjá RV Unique.
Hróðmar Eydal hefur tekið við nýju hlutverki sem ráðgjafi kaffilausna hjá Rekstrarvörum. Með áralangri reynslu úr verslun fyrirtækisins, öflugri þjónustulund og víðtækri þekkingu á kaffilausnum mun hann leiða áfram ráðgjöf til viðskiptavina um kaffivélar, kaffi og heildarlausnir fyrir vinnustaði.
Ný RV.is er komin í loftið og markar nýjan áfanga í stafrænni vegferð Rekstrarvara. Vefurinn færir vörur, upplýsingar og stafræna þjónustu saman á einn stað og leggur grunn að áframhaldandi þróun RV.is á næstu misserum.
Rekstrarvörur hlutu Jafnvægisvog FKA árið 2025, viðurkenningu sem veitt er fyrirtækjum sem hafa náð fram góðu jafnvægi kynja í efsta lagi stjórnunar. Viðurkenningin endurspeglar áherslu fyrirtækisins á jafnrétti, fjölbreytni og öflugt starfsumhverfi.
