Rekstrarvörur meðal Framúrskarandi fyrirtækja 2024

Rekstrarvörur eru stolt af því að hljóta viðurkenninguna Framúrskarandi fyrirtæki 2024, sem Creditinfo veitir árlega þeim fyrirtækjum sem sýna fram á framúrskarandi rekstur og sterka fjárhagslega stöðu.

Viðurkenningin byggir á ítarlegu mati á meðal annars rekstrarsögu, fjárhagslegum styrk og stöðugleika fyrirtækja. Aðeins um 2% fyrirtækja á Íslandi standast þær ströngu kröfur sem gerðar eru til að hljóta þessa viðurkenningu og telst hún því meðal virtustu viðurkenninga íslensks atvinnulífs.

Fulltrúar Rekstrarvara tóku við viðurkenningunni á hátíðlegri athöfn Creditinfo ásamt fulltrúum annarra framúrskarandi fyrirtækja víðs vegar að af landinu.

Viðurkenningin er staðfesting á þeirri áherslu sem lögð er á traustan rekstur, faglega þjónustu og langtímasambönd við viðskiptavini og samstarfsaðila. Hún endurspeglar jafnframt þann metnað sem starfsfólk Rekstrarvara leggur í störf sín á hverjum degi.

Við þökkum starfsfólki okkar, viðskiptavinum og samstarfsaðilum fyrir traustið. Árangurinn er sameiginlegur og hvetur okkur til að halda áfram að þróa lausnir sem skapa virði fyrir íslenska vinnustaði.