Rekstrarvörur meðal Fyrirmyndarfyrirtækja VR 2023

Rekstrarvörur hafa hlotið viðurkenningu VR sem Fyrirmyndarfyrirtæki ársins 2023 og eru meðal þeirra 15 meðalstóru fyrirtækja sem skara fram úr að mati starfsfólks.

Viðurkenningin er veitt á grundvelli umfangsmikillar vinnumarkaðskönnunar VR þar sem starfsfólk metur meðal annars stjórnun, starfsanda, samskipti, launakjör, jafnrétti, starfsánægju og tækifæri til þróunar í starfi.

Rekstrarvörur eru afar stolt af því að vera í hópi Fyrirmyndarfyrirtækja ársins 2023. Í flokki meðalstórra fyrirtækja, með 30–69 starfsmenn, eru aðeins 15 fyrirtæki sem hljóta viðurkenninguna ár hvert.

Sem fjölskyldufyrirtæki leggjum við ríka áherslu á að skapa jákvætt og traust starfsumhverfi þar sem starfsfólki líður vel, fær tækifæri til að vaxa og getur lagt sitt af mörkum til sameiginlegs árangurs. Samheldinn, fjölbreyttur og öflugur starfsmannahópur hefur ávallt verið einn af stærstu styrkleikum fyrirtækisins.

Viðurkenningin er okkur mikil hvatning til að halda áfram að byggja upp vinnustað þar sem metnaður, samvinna og vellíðan starfsfólks fara saman. Við þökkum öllu okkar starfsfólki fyrir þeirra framlag og það traust sem þessi viðurkenning endurspeglar.