Rekstrarvörur efla heilbrigðissvið sitt

Rekstrarvörur hafa um árabil lagt áherslu á að byggja upp öflugt heilbrigðissvið með fjölbreyttu vöruúrvali, sérfræðiþekkingu og þjónustu fyrir heilbrigðisstofnanir, hjúkrunarheimili og aðra aðila í umönnunar- og heilbrigðisgeiranum.

Sem hluti af þeirri uppbyggingu tók Ásdís Ósk Heimisdóttir, hjúkrunarfræðingur, við starfi vörustjóra heilbrigðissviðs. Ásdís lauk BS-gráðu í hjúkrunarfræði frá University College Nordjylland árið 2015 og hafði áður starfað bæði á hjúkrunarheimilum í Danmörku og á Landspítala áður en hún hóf störf hjá Rekstrarvörum.

Jafnframt tók Kristbjörn Jónsson við nýju hlutverki sem yfirmaður hjúkrunarsviðs og gæðastjóri. Kristbjörn er menntaður lyfjatæknir og hefur starfað hjá Rekstrarvörum frá árinu 1997. Með víðtækri reynslu sinni hefur hann gegnt mikilvægu hlutverki í þróun heilbrigðissviðs fyrirtækisins og þjónustu við viðskiptavini þess.

Ráðningarnar voru liður í markvissri uppbyggingu Rekstrarvara á sviði heilbrigðis- og hjúkrunarlausna. Á þeim tíma hafði fyrirtækið aukið áherslu á hjúkrunarvörur, þvaglekalausnir og aðrar sérhæfðar vörur fyrir heilbrigðis- og umönnunargeirann, með það að markmiði að efla þjónustu og ráðgjöf við viðskiptavini um land allt.

Með öflugri liðsheild og aukinni sérfræðiþekkingu héldu Rekstrarvörur áfram að þróa heilbrigðissvið sitt og styrkja stöðu sína sem samstarfsaðili heilbrigðisstofnana og umönnunaraðila um allt land.