Ný RV.is komin í loftið

Nýja vefverslunin hefur verið þróuð með þarfir fyrirtækja og stofnana að leiðarljósi og er markmiðið að byggja smám saman upp öflugan stafrænan þjónustuvettvang fyrir viðskiptavini Rekstrarvara.

Í vefversluninni geta innskráðir viðskiptavinir meðal annars skoðað samningsverð og sérkjör, fylgst með pöntunum, nálgast reikninga og pöntunarsögu og endurpantað vörur. Einnig er hægt að versla á RV.is allan sólarhringinn.

Meðal þeirra möguleika sem fylgja nýja vefnum eru innkaupalistar, þar sem viðskiptavinir geta haldið utan um vörur sem þeir kaupa reglulega. Hægt er að útbúa fleiri en einn lista og deila þeim með öðrum notendum innan sama fyrirtækis, til dæmis fyrir mismunandi deildir eða starfsstöðvar.

Vefurinn leggur jafnframt grunn að markvissari framsetningu vöruupplýsinga og lausna Rekstrarvara. Umhverfisvottanir eru sýnilegar á vörum og vörur sem falla undir samninga Sjúkratrygginga Íslands eru merktar sérstaklega, auk þess sem unnið er áfram að uppbyggingu vörumerkja, vöruflokka og upplýsinga um úrvalið.

RV.is heldur áfram að þróast

Nýi vefurinn er ekki endastöð heldur grunnur að áframhaldandi þróun. Á næstu misserum verður unnið að nýjum eiginleikum, bættri framsetningu upplýsinga og áframhaldandi þróun stafrænnar þjónustu Rekstrarvara.

Markmiðið er að RV.is þróist samhliða þörfum viðskiptavina og verði öflugur vettvangur fyrir innkaup, upplýsingar og þjónustu fyrir íslensk fyrirtæki og stofnanir – fyrir þig og þinn vinnustað.