Frábær stemning og góðar móttökur á Stóreldhúsinu 2026

Stóreldhúsið er einn helsti samkomuvettvangur fagfólks í veitinga- og stóreldhúsageiranum. Ráðgjafar okkar tóku vel á móti gestum, kynntu fjölbreytt úrval af vörum og lausnum og áttu fjölda góðra samtala um daglegan rekstur, nýjungar og tækifæri til að gera vinnuna einfaldari og skilvirkari.

Nýjungar og lausnir fyrir fagfólk

Á sýningunni kynntum við meðal annars RV PRO Kitchen Collection, vörulínu okkar fyrir fagleg þrif og hreinlæti í eldhúsum. Vörulínan er hluti af RV PRO, eigin vörumerki Rekstrarvara, þar sem áhersla er lögð á gæði, einfaldleika og lausnir sem standast kröfur daglegrar notkunar.

Gestir gátu einnig kynnt sér fjölbreyttar hreinlætislausnir frá Tork, þar á meðal Tork PeakServe handþurrkukerfið, sem er hannað fyrir fjölfarin salerni og dregur úr þörf fyrir tíðar áfyllingar, og Tork SmartOne salernispappírskerfið, sem skammtar einn pappírsbút í einu og stuðlar þannig að minni sóun.

Frá Kiilto Pro kynntum við meðal annars Fusion blöndunarkerfið, sem tryggir nákvæma og örugga blöndun hreinsiefna, og Kiiltojet úr Whiteline línunni, sem einfaldar þrif á gólfum og öðrum yfirborðum þar sem vatnsþrif henta. Lausnirnar eru sérstaklega áhugaverðar fyrir vinnustaði þar sem miklar kröfur eru gerðar til hreinlætis, öryggis og skilvirkni.

Stafrænt eftirlit með Mettu

Eitt af því sem við vorum sérstaklega spennt að kynna var nýtt samstarf okkar við Mettu, íslenskt hugbúnaðarfyrirtæki sem býður upp á stafrænar lausnir fyrir innra eftirlit og matvælaöryggi.

Með samstarfinu tengjum við saman hreinlætis- og rekstrarvörur frá Rekstrarvörum og stafrænt eftirlitskerfi Mettu. Þar er meðal annars hægt að halda utan um hitastigsmælingar, þrif, gátlista og skráningu frávika á einum stað – og einfalda þannig daglegt utanumhald í eldhúsum og matvælarekstri.

Gott kaffi, lukkuhjól og glaðningur fyrir gesti

Það var ekki bara nóg um að vera í vörukynningunum! Á básnum buðum við gestum upp á dýrindis kaffi og eitthvað sætt með, auk þess sem hægt var að kynna sér kaffilausnir okkar fyrir vinnustaði.

Lukkuhjólið vakti mikla lukku á fimmtudeginum, þar sem gestir áttu möguleika á að vinna skemmtilega vinninga frá viðskiptavinum okkar og samstarfsaðilum, meðal annars Flatey, Keiluhöllinni og Silla kokki. Gestir gátu einnig tekið þátt í gjafaleik með skráningu á póstlistann okkar og margir fóru heim með glaðning.

Í samstarfi við birgja okkar útbjuggum við gjafapoka með ýmsum vörum, meðal annars RV PRO handsápu, NMF PVA örtrefjaklút, Tork handspritti, Melitta kaffi og fleiri skemmtilegum vörum.

Takk fyrir frábæra tvo daga!

Við erum ótrúlega ánægð með hvernig til tókst og þær góðu móttökur sem við fengum. Það er alltaf dýrmætt að hitta viðskiptavini, samstarfsaðila og ný andlit, skiptast á hugmyndum og ræða hvernig við getum stutt enn betur við daglegan rekstur þeirra.

Kærar þakkir til allra sem heimsóttu básinn okkar, tóku þátt í gleðinni og gáfu sér tíma í gott spjall. Einnig færum við samstarfsaðilum okkar bestu þakkir fyrir þátttökuna og stuðninginn.

Við hlökkum til að fylgja góðum samtölum eftir og takast á við spennandi verkefni með ykkur!

Rekstrarvörur - vinna með þér.