Rekstrarvörur kynna RV PRO

RV PRO er framleitt í Danmörku í samstarfi við reyndan framleiðanda sem framleiðir vörurnar sérstaklega fyrir íslenskan og danskan markað. Við þróun vörulínunnar var lögð áhersla á að sameina áreiðanleg gæði, skýrar merkingar og vörur sem standast kröfur fagfólks í ræstingum, heilbrigðisþjónustu, stóreldhúsum og öðrum atvinnurekstri.

Fyrstu vörurnar sem komu á markað undir RV PRO voru 750 ml tilbúin hreinsiefni (Ready to Use). Þau eru fyllt á flöskur úr endurunnu plasti sem jafnframt má endurvinna að nýju að notkun lokinni og eru því liður í markvissari nýtingu hráefna.

Flöskurnar eru jafnframt búnar fjölnota úðahaus sem gerir notendum kleift að velja á milli úða og froðu eftir því hvaða verkefni er fyrir höndum. Þannig má nota sömu vöruna á fjölbreytt yfirborð og velja þá dreifingu sem hentar best hverju sinni.

RV PRO hefur frá upphafi byggt á þeirri hugmynd að bjóða faglegar lausnir sem auðvelt er að þekkja og nota. Vörulínan hefur síðan stækkað jafnt og þétt og samanstendur í dag af fjölbreyttu úrvali hreinsiefna og sérhæfðra lausna fyrir atvinnulífið.

Þróun RV PRO heldur áfram og á næstu árum mun vörulínan stækka enn frekar með nýjum vörum og áframhaldandi umbótum á umbúðum og framsetningu, án þess að slakað sé á þeim gæðakröfum sem vörumerkið byggir á.