RV PRO glerhreinsir fær Svansvottun

Svansvottunin er ein þekktasta umhverfisvottun Norðurlanda og er veitt vörum sem standast ítarlegt mat á lífsferli sínum. Við matið er meðal annars horft til áhrifa á umhverfi, heilsu og öryggi ásamt því að vörurnar þurfa að sýna fram á góða virkni við raunverulega notkun.

RV PRO glerhreinsirinn er ætlaður til daglegra þrifa á gleri, speglum og öðrum gljáandi yfirborðum þar sem gerðar eru kröfur um hreina áferð án ráka. Varan er þróuð fyrir faglega notkun en hentar einnig vel í aðrar aðstæður þar sem áreiðanleg hreinsun skiptir máli.

Svansvottunin markar mikilvægan áfanga í þróun RV PRO og endurspeglar áherslu Rekstrarvara á að bjóða viðskiptavinum hágæðavörur sem taka jafnframt mið af umhverfis- og sjálfbærnisjónarmiðum.

RV PRO vörulínan heldur áfram að þróast og mun fleiri nýjungar bætast við á næstu misserum.