Rekstrarvörur styðja Bocuse d’Or Ísland

Á myndinni eru Jónas Guðmundsson, viðskiptastjóri Rekstrarvara, Snædís Xyza Mae Jónsdóttir, Bocuse d'Or kandídat Íslands, Marlís Jóna Karlsdóttir, aðstoðamaður, og Björn Kári Björnsson, sölustjóri Rekstrarvara.

­

Snædís Xyza verður næsti keppandi Íslands í Bocuse d’Or Europe, sem fer fram í Marseille í Frakklandi dagana 15.–16. mars 2026. Þar keppa fremstu kokkar Evrópu um sæti í heimsúrslitum Bocuse d’Or sem haldin eru í Lyon í Frakklandi.

Bocuse d’Or er alþjóðleg kokkakeppni sem stofnuð var árið 1987 af franska meistarakokknum Paul Bocuse og er almennt talin ein virtasta og krefjandi matreiðslukeppni í heimi. Hvert land stillir upp einum keppanda og aðstoðarkokki, og þurfa keppendur að sýna bæði tæknilega færni, sköpun og nákvæmni undir miklu álagi.

Við hjá Rekstrarvörum fengum nýlega að fylgjast með Snædísi, Marlís og teyminu á æfingu þar sem undirbúningur fyrir keppnina er í fullum gangi. Slík keppni krefst mikillar vinnu, skipulags og samvinnu - og það er greinilega mikill metnaður og fagmennska sem liggur að baki

Rekstrarvörur óska Snædísi og öllu teyminu góðs gengis í Marseille og hlakka til að fylgjast með Íslandi á meðal fremstu kokka Evrópu.