Rekstrarvörur og Knattspyrnufélagið Víkingur hefja samstarf

Á myndinni eru Andela Jovanovic, rekstrarstjóri Víkings, Haukur Hinriksson, framkvæmdastjóri Víkings, Einar Kristjánsson, framkvæmdastjóri Rekstrarvara og Ómar Júlíusson, ráðgjafi hjá Rekstrarvörum.

Með samstarfinu koma saman tvö rótgróin fyrirtæki í Reykjavík sem vilja byggja upp traust og farsælt samstarf til lengri tíma. Rekstrarvörur munu styðja við daglegan rekstur Víkings með fjölbreyttum vörum, ráðgjöf og lausnum sem mæta þörfum félagsins.

Einar Kristjánsson, framkvæmdastjóri Rekstrarvara, skrifaði undir samninginn fyrir hönd fyrirtækisins og Haukur Hinriksson, framkvæmdastjóri Víkings, fyrir hönd félagsins.

Við undirritun samningsins voru einnig viðstödd Andela Jovanovic, rekstrarstjóri Víkings, Ómar Júlíusson, ráðgjafi hjá Rekstrarvörum, og Emma Soffía Helgudóttir, markaðsstjóri Rekstrarvara.

Víkingur er eitt af rótgrónustu íþróttafélögum landsins og gegnir mikilvægu hlutverki í íþrótta- og samfélagslífi Reykjavíkur. Rekstrarvörur hafa um áratuga skeið starfað með fyrirtækjum og stofnunum um allt land og leggja áherslu á faglegar lausnir, gott úrval og þjónustu sem styður við daglegan rekstur.

Við hjá Rekstrarvörum erum stolt af samstarfinu og hlökkum til að vinna með Víkingi á komandi árum.