Rekstrarvörur gera heildarsamning við Félagsstofnun stúdenta

Félagsstofnun stúdenta (FS) rekur fjölbreytta þjónustu fyrir stúdenta við Háskóla Íslands, þar á meðal bóksölu, leikskóla, stúdentagarða, veitingastaði og verslanir. Með starfsemi sinni gegnir FS mikilvægu hlutverki í daglegu lífi háskólasamfélagsins.

Heildarsamningurinn felur í sér að Rekstrarvörur sjá FS fyrir fjölbreyttum vörum, ráðgjöf og rekstrarlausnum sem styðja við daglegan rekstur stofnunarinnar. Áhersla er lögð á áreiðanlega þjónustu, skilvirk innkaup og lausnir sem mæta ólíkum þörfum starfseminnar.

Samstarfið er liður í áframhaldandi áherslu Rekstrarvara á að vinna náið með fyrirtækjum, stofnunum og opinberum aðilum um allt land. Markmiðið er að bjóða heildstæðar lausnir sem einfalda rekstur og styðja við skilvirka og faglega starfsemi viðskiptavina.