Rekstrarvörur á Degi öldrunar

Rekstrarvörur tóku þátt í Degi öldrunar 2026 sem haldinn var fimmtudaginn 12. mars á Hilton Nordica. Dagurinn er haldinn árlega og er mikilvægur vettvangur fyrir fagfólk sem starfar að málefnum eldra fólks til að koma saman, miðla þekkingu og ræða þróun þjónustu til framtíðar.

Þema dagsins í ár var „Forvarnir og endurhæfing“, þar sem lögð var áhersla á mikilvægi þess að þróa þjónustu í takt við þarfir þjónustuþega og samfélagsins.

Rekstrarvörur voru með bás á staðnum þar sem kynntar voru stoðvörur og þvaglekavörur sem gegna mikilvægu hlutverki í daglegri umönnun og styðja við lífsgæði og vellíðan notenda. Gestir gátu komið við hjá okkur, kynnt sér lausnirnar og fengið sýnishorn af TENA vörum.

Ragnhildur, hjúkrunarfræðingur og vörustjóri hjá Rekstrarvörum, tók á móti gestum á básnum yfir daginn. Ásdís, hjúkrunarfræðingur og sviðsstjóri heilbrigðissviðs, leit einnig við og átti góð samtöl við gesti um lausnir og þjónustu á sviðinu.

Á básnum var haldinn gjafaleikur þar sem heppinn þátttakandi vann glæsilegan pakka af Bormioli kampavíns- og hvítvínsglösum.

Við þökkum öllum sem komu við hjá okkur fyrir góð samtöl og ánægjulegan dag.