Heilbrigðissvið RV á Vísindaþingi heilbrigðisstétta

Heilbrigðissvið Rekstrarvara tók þátt í sameiginlegu Vísindaþingi heilbrigðisstétta sem fram fór á Hilton Reykjavík Nordica. Rekstrarvörur voru meðal styrktaraðila þingsins og kynntu þar fjölbreyttar heilbrigðislausnir fyrir fagfólk um land allt.

Á Vísindaþinginu gafst gestum kostur á að kynna sér vandað vöruúrval Rekstrarvara fyrir heilbrigðisþjónustuna, meðal annars lausnir frá Mölnlycke sem eru þróaðar með þarfir sjúklinga og heilbrigðisstarfsfólks að leiðarljósi.

Í vikunni fyrir þingið heimsóttu sérfræðingarnir Allan og Hanne frá Mölnlycke og unnu náið með teymi Rekstrarvara. Ásamt sérfræðingum heilbrigðissviðs RV heimsóttu þau fjölmarga viðskiptavini og heilbrigðisstofnanir, þar á meðal Klíníkina, Orkuhúsið og Heilbrigðisstofnun Vesturlands. Þar var farið yfir nýjustu lausnir og miðlað þekkingu um vörur og meðferð sem styðja við örugg og skilvirk vinnubrögð í heilbrigðisþjónustu.

Vísindaþingið markaði síðan góðan endapunkt á heimsókninni þar sem starfsfólk Rekstrarvara tók á móti ráðstefnugestum, kynnti vörur og átti fjölmörg góð samtöl við heilbrigðisstarfsfólk víðs vegar að af landinu.

Rekstrarvörur leggja ríka áherslu á að vera virkur þátttakandi í faglegu samstarfi með heilbrigðisstofnunum og framleiðendum. Slíkir viðburðir skapa mikilvægt tækifæri til að miðla þekkingu, kynna nýjungar og efla samstarf sem stuðlar að betri lausnum fyrir íslenska heilbrigðisþjónustu.