Dagur sjúkraþjálfunar 2026

Dagurinn er stærsta fagráðstefna sjúkraþjálfunar á Íslandi og samankomustaður fagfólks víðs vegar að úr heilbrigðisgeiranum.

Á bási Rekstrarvara voru þær Ragnhildur Dóra, vörustjóri og hjúkrunarfræðingur, og Guðrún Ragna, sjúkraliði og söluráðgjafi heilbrigðissviðs, á staðnum til að kynna fjölbreytt úrval stoðvara og hjálpartækja fyrir heimili, stofnanir og heilbrigðisþjónustu.

Meðal þess sem kynnt var voru göngugrindur, hjólastólar, snúningssæti og önnur hjálpartæki ásamt ýmsum stoðvörum fyrir daglegt líf, svo sem stútkönnum, hnífapörum með gripum og fleiri lausnum sem styðja við aukið sjálfstæði og bætt lífsgæði.

Mikil og góð stemning var á svæðinu en Rekstrarvörur buðu gestum upp á popp yfir daginn og héldu einnig gjafaleik á básnum sem vakti mikla lukku meðal ráðstefnugesta.

Við þökkum öllum sem komu við á básnum kærlega fyrir komuna og skemmtileg samtöl yfir daginn.