Afgreiðsla hjálpartækja með greiðsluþátttöku SÍ

Hvernig virkar þetta allt saman?

Sjúkratryggingar Íslands eru með samning við Rekstrarvörur þar sem einstaklingar með innkaupaheimild frá SÍ geta snúið sér beint til Rekstrarvara til þess að fá afgreidd ýmis hjálpartæki sem eru niðurgreidd af SÍ. Á vefsíðu RV eru þær vörur sem eru niðurgreiddar af Sjúkratryggingum Íslands merktar með SÍ merkinu.

Greiðsluþátttaka SÍ er mismikil eftir vörum og vöruflokkum. Heilbrigðisstarfsmaður sækir um innkaupaheimild fyrir þig eða skjólstæðing þinn fyrir þá vöruflokka eða vörutegund sem að hentar.

Rekstrarvörur sjá um að senda vörurnar heim til notanda, hvert á land sem er. Ein heimsending á mánuði er innifalin í kaupum og er kaupanda að kostnaðarlausu. Einnig er í boði að mæta í verslun RV og taka út vörurnar þar. Húsnæði Rekstrarvara er aðgengilegt fyrir fatlaða og hjólastóll er á staðnum.

Í þjónustuveri og verslun Rekstrarvara er starfsfólk með mikla þekkingu sem getur aðstoðað þig að finna réttu lausnina fyrir þig eða skjólstæðing þinn. Verslun RV er staðsett í Réttarhálsi 2, 110 Reykjavík og hafa má samband við þjónustuver í síma 520 - 6666. Hægt er að bóka ráðgjöf hjá hjúkrunarfræðingi eða sjúkraliða með því að hringja í þjónustuver RV. Einnig er hægt að bóka símaráðgjöf.

TENA og Libero þvaglekavörur

Rekstrarvörur bjóða upp á fjölbreytt úrval þvaglekavara fyrir einstaklinga með innkaupaheimild frá Sjúkratryggingum Íslands. Úrvalið inniheldur meðal annars lekabindi, nærbuxur og aðrar lausnir frá TENA, fyrir mismikinn þvagleka og ólíkar þarfir.

Þegar einstaklingur er kominn með innkaupaheimild fyrir þvaglekavörur eru allar þær SÍ-merktu þvaglekavörur sem geta nýst einstaklinginum fyrir sína persónulegu notkun niðurgreiddar.

Þær þvaglekavörur sem falla undir innkaupaheimild SÍ eru afgreiddar í heilum kössum, en hægt er að nálgast prufur af vörunum áður en pantaður er heill kassi.

Nánar um þvaglekavörur

Stoðvörur fyrir aukið öryggi og sjálfstæði

Rekstrarvörur bjóða upp á fjölbreytt úrval stoðvara og hjálpartækja fyrir einstaklinga sem þurfa aukinn stuðning í daglegu lífi. Vörurnar eru ætlaðar til að auðvelda hreyfingu og dagleg verkefni, auka öryggi og stuðla að auknu sjálfstæði á heimilinu.

Úrvalið nær meðal annars yfir göngugrindur, flutningsbretti, stóla og salernislausnir, handföng, hálkuvarnir og ýmis smáhjálpartæki sem geta gert daglegt líf einfaldara og öruggara.

Nánar um stoðvörur

Danumed sonduvörur

Rekstrarvörur bjóða upp á úrval sonduvara frá Danumed.

Úrvalið inniheldur meðal annars sonduhnappa og fylgihluti fyrir daglega notkun.

Nánar um sonduvörur

Hanskar fyrir ólíkar þarfir

Fjölbreytt úrval hanska fyrir heilbrigðisþjónustu, umönnun og aðra notkun þar sem hreinlæti og handvörn skipta máli. Úrval er af nítríl-, latex- og vinylhönskum í hvítum, bláum eða svörtum lit.

Við bjóðum meðal annars upp á hanska frá Top Glove, einum stærsta framleiðanda einnota hanska í heiminum, ásamt vörum frá fleiri framleiðendum.

Nánar um einnota hanska