Fara beint í efni

Umhverfisstefna RV

RV skuldbindur sig til að lágmarka umhverfisáhrif af rekstri sínum, stuðla að sjálfbærni í innkaupum og bjóða viðskiptavinum upp á umhverfisvænar lausnir. Stefnan nær til allrar starfsemi fyrirtækisins og er virkur hluti af daglegum ákvörðunum.

1. Ábyrgð, fræðsla og eftirfylgni

  • Stjórnun og ábyrgð: Framkvæmdastjórn RV ber ábyrgð á framfylgd stefnunnar.
  • Árleg rýni: Stefnan og markmið hennar eru rýnd árlega
  • Fræðsla: RV skuldbindur sig til að fræða starfsfólk reglulega um umhverfismál, vistvæn innkaup og rétta flokkun á vinnustaðnum.

2. Úrgangsstjórnun og hringrásarhagkerfi

Flokka skal allan úrgang á starfsstöðvum skv. eftirfarandi:

  • Pappír og pappi
  • Plast
  • Drykkjarvöruílát
  • Timbur og bretti
  • Málmar
  • Spilliefni (rafhlöður, ljósaperur, tæki o.fl.)

3. Vistvænn bílafloti og flutningar

  • Orkuskipti: Bílar RV skulu losa sem minnst af CO₂. Steft er að því að allir fólks- og sendibílar fyrirtækisins verði rafvæddir eða gangi á vistvænu eldsneyti fyrir árið 2030.
  • Aksturslag og skipulag: RV skipuleggur akstursleiðir til að fækka eknum kílómetrum og draga úr eldsneytisnotkun.

4. Innkaup, vörustýring og aðfangakeðja

Sem leiðandi fyrirtæki í sölu á rekstrarvörum hefur RV áhrif í gegnum virðiskeðjuna:

  • Eigin notkun: Nota skal umhverfisvottaðar hreinlætisvörur (t.d. Svansmerktar) við almenna hreingerningu og umhverfisvottaðan hreinlætispappír og sápur til persónulegs hreinlætis.
  • Skrifstofuvörur: Nota skal umhverfisvottaðan ljósritunarpappír, almennar skrifstofuvörur og ritföng þar sem því verður við komið.
  • Kröfur á birgja: RV velur samstarfs- og flutningsaðila sem sýna fram á virka umhverfisstefnu og grænar lausnir.
  • Grænt vöruúrval: RV leggur áherslu á að auka hlutfall umhverfisvottaðra vara í eigin sölustofnum og hvetja viðskiptavini til grænna innkaupa.

5. Stafræn væðing og minni pappírsnotkun

RV stefnir á algjörlega pappírslausan skrifstofurekstur:

  • RV gefur eingöngu út rafræna reikninga.
  • Sölumenn RV senda inn allar pantanir rafrænt.
  • RV hvetur viðskiptavini virkan til að nota rafrænt pöntunarkerfi RV (vefverslun).

6. Orkunotkun og fasteignarekstur

  • Orkusparnaður: RV lágmarkar raforku- og hitanotkun í húsnæði sínu, m.a. með því að nota LED lýsingu og tryggja að slökkt sé á tækjum og ljósum utan vinnutíma.
  • Vatnsvernd: Lágmarka skal vatnsnotkun eins og kostur er við þrif og rekstur vöruhúsa

­

Síðast uppfært: 24.september 2026.