Handþvottur og hreinlæti

Fróðleikur um handþvott, handþurrkun og handspritt

- fyrir þig og þinn vinnustað

Handþvottur er ein einfaldasta og áhrifaríkasta leiðin til að draga úr smiti á vinnustöðum þar sem margir snerta sömu yfirborð yfir daginn. Hreinar hendur hindra smit og því skiptir góð aðstaða fyrir handþvott, handþurrkun og handsótthreinsun miklu máli í daglegum rekstri.

Hjá Rekstrarvörum bjóðum við fjölbreyttar lausnir fyrir handhreinsun og hreinlæti á vinnustöðum - allt frá sápuskömmturum og handþurrkum til handspritts og annarra hreinlætislausna.

Skoða TORK lausnir

Réttur handþvottur

Til að handþvottur skili árangri þarf hann að taka um 20 sekúndur með vatni og sápu. Mikilvægt er að þrífa lófa, handarbök og fingur vel, skola vandlega og þurrka hendur alveg.

Réttur handþvottur fjarlægir óhreinindi og örverur af höndum og dregur þannig úr líkum á smiti.

Handþvottaleiðbeiningar

TORK handsápa. Móðir og barn þvo hendur.

Handþurrkun er mikilvæg

Handþvottur er ekki fullnægjandi fyrr en hendurnar eru orðnar þurrar. Blautar hendur geta dreift bakteríum auðveldara, sérstaklega þar sem margir nota sömu aðstöðu.

Handþurrkur þurrka hendur hratt og stuðla að betra hreinlæti.

Handblásarar eða handþurrkur?

Val á aðferð við handþurrkun getur haft áhrif á hreinlæti í salernisaðstöðu. Rannsóknir benda til þess að loftstraumur frá handblásurum geti dreift örverum út í loftið og á yfirborð í kring.

Handþurrkur fjarlægja raka af höndum án þess að blása lofti um rýmið og eru því víða taldar hreinlætislegri lausn, sérstaklega þar sem kröfur um hreinlæti eru miklar.

Rannsóknir sýna að handblásarar dreifi allt að tífalt fleiri bakteríum sem dreifast í allt að tveimur metrum frá tækinu.

Sjáðu myndband sem sýnir hvernig mismunandi aðferðir við handþurrkun geta haft áhrif á dreifingu baktería.

Handsótthreinsun

Handsótthreinsir, oft kallaður handspritt, er góð viðbót við handþvott. Hann er sérstaklega gagnlegur þar sem aðgangur að vatni og sápu er takmarkaður eða þegar þörf er á hraðri sótthreinsun handa.

Gott er að staðsetja handspritt við innganga, í móttöku, á sameiginlegum svæðum og þar sem margir snerta sömu yfirborð. Ef hendur eru sýnilega óhreinar er þó alltaf best að þvo þær með vatni og sápu.

Skoða handspritt