Rekstrarvörur hafa undirritað samstarfssamning við Knattspyrnufélagið Víking og markar samningurinn upphaf nýs samstarfs milli aðilanna.
Með samstarfinu koma saman tvö rótgróin fyrirtæki í Reykjavík sem vilja byggja upp gott og traust samstarf til lengri tíma. Markmiðið er að vinna saman að lausnum sem styðja við starfsemi félagsins og daglegan rekstur aðstöðunnar.
Einar Kristjánsson, framkvæmdastjóri Rekstrarvara, skrifaði undir samninginn fyrir hönd fyrirtækisins og Haukur Hinriksson, framkvæmdastjóri Víkings, fyrir hönd félagsins.
Við undirritun samningsins voru einnig viðstödd Andela Jovanovic, rekstrarstjóri Víkings, Ómar Júlíusson, ráðgjafi hjá Rekstrarvörum, og Emma Soffía Helgudóttir, markaðsstjóri Rekstrarvara.
Víkingur er eitt af rótgrónustu íþróttafélögum landsins og gegnir mikilvægu hlutverki í íþrótta- og samfélagslífi Reykjavíkur. Rekstrarvörur hafa um áratuga skeið starfað með fyrirtækjum og stofnunum um allt land og leggja áherslu á faglegar lausnir, gott úrval og þjónustu sem styður við daglegan rekstur.
Við hjá Rekstrarvörum erum stolt af samstarfinu og hlökkum til að vinna með Víkingi á komandi árum.
